Белінюркалегія забяспечвае аказанне юрыдычнай дапамогі грамадзянам і юрыдычным асобам Рэспублікі Беларусь на тэрыторыі Рэспублікі Беларусь і за яе межамі, замежным
грамадзянам, асобам без грамадзянства, а таксама замежным юрыдычным асобам на тэрыторыі Рэспублікі Беларусь у мэтах ажыццяўлення і абароны іх правоў, свабод і законных інтарэсаў, у тым ліку вышук спадчыннікаў і генеалагічныя даследаванні.

Асноўны напрамак дзейнасці Белінюркалегіі – аказанне юрыдычнай дапамогі пры афармленні спадчынных правоў і атрыманні спадчынных актываў грамадзянамі Рэспублікі Беларусь па спадчыне, якая адкрылася за мяжой, уключаючы вышук спадчыннікаў; юрыдычная дапамога замежным грамадзянам у афармленні іх спадчынных правоў на тэрыторыі Рэспублікі Беларусь і атрыманні спадчынных актываў;

Разам з тым магчыма аказанне юрыдычнай дапамогі па такіх пытаннях, як: кампенсацыя шкоды, прычыненай маёмасці або здароўю грамадзян Рэспублікі Беларусь за мяжой, замежных грамадзян на тэрыторыі Рэспублікі Беларусь; вырашэнне праблем, звязаных з сямейнымі праваадносінамі грамадзян розных краін; дапамога ў атрыманні грамадзянамі Рэспублікі Беларусь пенсіі, назначанай за мяжой.

Эфектыўнасць работы Белінюркалегіі забяспечваецца:

• вялікім вопытам працы;
• высокім інтэлектуальным патэнцыялам яе адвакатаў;
• выкарыстаннем падчас працы з кліентамі прынцыпаў поўнага даверу і строгай канфідэнцыяльнасці;
• індывідуальным падыходам да кожнай канкрэтнай справы і кліента;
• наяўнасцю за мяжой кампетэнтных інадзейных партнёраў.

Белінюркалегія супрацоўнічае і падтрымлівае кантакты з адвакатамі адвакацкімі фірмамі розных краін свету і можа свабодна шукаць для кожнай канкрэтнай справы найлепшага спецыяліста за мяжой.